Küçədə yıxılaraq başı asfalta çırpılan Oğuz sakini xəstəxanada ÖLDÜ

Oğuz rayonunda bədbəxt hadisə baş verib. 

Bizim.Media-nın yerli bürosu xəbər verir ki, rayon sakini, 50 yaşlı Rəsul Rəsulov küçədə qəflətən ayağı büdrəyərək yıxılıb və ciddi kəllə-beyin zədəsi alıb.

Hadisə yerinə cəlb edilən Təcili Tibbi Yardım briqadası rayon sakininə tibbi yardım göstərib və Rayon Mərkəzi Xəstəxanasına aparılıb.

Daha sonra həkimlərin rəyi ilə Rəsul Rəsulov müayinə olunmaq üçün Qəbələ Rayon Mərkəzi Xəstəxnasına göndərilib. İlkin müayinələrdən sonra onun vəziyyəti bir qədər də ağırlaşıb və elə xəstəxanadaca keçinib. 

Hadisə şahidləri onu da bildirib ki, R. Rəsulov yıxılarkən içkili olub.

Baş verən hadisə ilə bağlı Rayon prokurorluğunda araşdırma aparılır.

Tural Rasim oğlu, Bizim.Media, Şimal-Qərb bürosu