Kürdəmirdə ağır yol qəzasında xəsarət alanlarən kimliyi bəlli olub.
Bizim.Media-nın Aran bürosu xəbər verir ki, hadisə Bakı-Qazax əsas magistral yolunun rayonun stansiya Karrar qəsəbəsindən keçən hissəsində qeydə alınıb.
MÖVZU İLƏ BAĞLI:
Kürdəmirdə ağır yol qəzası baş verib, xəsarət alanlar var
Belə ki, 2 eyni modeldən olan “Mercedes”lərin toqquşması nəticəsində 3 nəfər sərnişin - Bakı şəhər sakinləri iki bacı 51 yaşlı Quliyeva Yaqut Məmməd qızı, 54 yaşlı Quliyeva Yeganə Məmməd qızı və Şəmkir rayon sakini 22 yaşlı Məhərrəmli Əmrah Sahib oğlu müxtəlif dərəcəli ağır bədən xəsarətləri alıblar.
Yaralılar dərhal təcili tibbi yardım maşınının köməyi ilə Kürdəmir rayon Mərkəzi Xəstəxanasına aparılıb və həkim nəzarətinə götürülüb.
Hazırda faktla bağlı araşdırma aparılır.
Bizim.Media, Aran bürosu
