Xaçmaz şəhərindəki 4 saylı tam orta məktəbdə ötən gün şagirdin regional təhsil idarənin müdiri tərəfindən döyülməsi ilə bağlı iddialar yayılıb.
Bizim.Media-nın yerli bürosu xəbər verir ki, iddiaya görə, məktəbin 7-ci sinif şagirdi Nizam Mirzəyev Quba-Xaçmaz regional elm və təhsil idarəsinin müdiri Rüfət Hacıyev tərəfindən döyülüb.
Məlumata görə, hadisə Rüfət Hacıyev məktəbə yoxlamaya gələrkən baş verib.
Faktı dəqiqləşdirmək üçün Quba-Xaçmaz regional elm və təhsil idarəsinin rəisi Rüfət Hacıyevlə əlaqə saxlamağa çalışsaq da, cəhdimiz cavabsız qalıb.
Regional idarənin Xaçmaz sektorunun müdiri İnqilab Musayev isə bunun böhtan olduğunu bildirib:
"Regional idarənin rəisi məktəbdə uşaq döyəndir?! Tam böhtandır. İndi uşağı məktəbdə nizam-intizama çəkmək, tənbeh etmək döymək sayılmalıdır?"
DİN-in Mətbuat Xidmətinin Quba regional qrupunun polis baş leytenantı Xəyal Talıbov faktın Xaçmaz rayon polis şöbəsində araşdırıldığını bildirib:
"Həmin məsələ ilə bağlı Xaçmaz rayon polis şöbəsinə məlumat daxil olub. Hazırda rayon polis şöbəsinin təhqiqat bölməsində müvafiq araşdırmalar aparılır".
Aytəkin Alxaslı, Bizim.Media, Şimal bürosu
- A-
- A
- A+
Cəmiyyət
19:33 / 25.11.2023
Xaçmazda məktəbli regional təhsil idarəsinin müdiri tərəfindən döyülüb? - AÇIQLAMA
Hazırda oxunan: Xaçmazda məktəbli regional təhsil idarəsinin müdiri tərəfindən döyülüb? - AÇIQLAMA
Hazırda oxunan: Xaçmazda məktəbli regional təhsil idarəsinin müdiri tərəfindən döyülüb? - AÇIQLAMA
166095
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
