Şimal-Qərb bölgəsində temperatur 5 dərəcəyə ENDİ - FOTO  

Ötən axşam Şimal-Qərb bölgəsində payız gələndən ilk dəfə yağış yağıb, temperatur 10 dərəcədən aşağı düşüb. 

Bizim.Media-nın yerli bürosu Şəki Regional Hidrometeorologiya Müəssisəsinə istinadən xəbər verir ki, bir neçə ay davam edən qeyri-sabit hava şəraiti nəhayət ötən gündən yağışlı hava ilə müşayiət olunub. 

Bütün gecəni bölgə rayonlarında heç bir fəsad olmadan yağış yağıb. Diqqəti cəlb edən ən maraqlı məqam isə Böyük Qafqaz sıra dağlarına qarın düşməsidir. Bu isə bölgə rayonlarının dağlıq və dağətəyi yaşayış məntəqələrində temperaturun enməsi ilə müşayiət olunub. 
Belə ki, bu il ilk dəfə temperatur 10 dərəcədən aşağı düşərək 5-7 dərəcə arasında dəyişib. Hazırda bölgə rayonlarında buludlu, sabit hava şəraiti hökm sürür. 






Tural Rasim oğlu, Bizim.Media, Şimal-Qərb bürosu