Xəbər verdiyimiz kimi bu gün səhər saatlarında Səbail rayonu, İ.Nəbiyev küçəsində minik avtomobilində yanğın baş verib. Yanğın nəticəsində “Chevrolet Cruze” markalı minik avtomobilinin yanar hissələri və “Toyota Corolla” markalı minik avtomobilinin arxa hissəsi qismən yanıb.
Şahidlərin Bizim.Media-ya verdiyi məlumatda bildirilir ki, “Chevrolet Cruze” markalı maşında iki nəfər yatmış vəziyyətdə olub:
MÖVZU İLƏ BAĞLI:
Bakıda iki avtomobil YANDI – YENİLƏNİB - FOTO/VİDEO
“Partlayış səsinə avtomobildəki iki nəfər düşüb qaçıb. Partlayış səbəbindən yanğın qarşıdakı “Toyota Corolla” markalı minik maşınına keçib. Bundan başqa yanan avtomobilin hissələri arxa tərəfdə dayanmış “Merseses-Benz” markalı maşına çırpılıb.
Onu da qeyd edim ki, “Toyota Corolla” markalı minik avtomobili AzTV-nin tanınmış aparıcısı Könül Quluzadəyə məxsusdur”.
Qeyd edək ki, FHN-in Dövlət Yanğından Mühafizə Xidmətinin müvafiq qüvvələri hadisə yerinə cəlb olunub. Qısa zamanda yanğın söndürülüb. Hazırda hadisə müvafiq qurumlar tərəfindən araşdırılır.
Surxay Atakişiyev, Bizim.Media
