Qubada baş verən dəhşətli qəzada ölənlərin şəxsiyyəti dəqiqləşib.
Bizim.Media xəbər verir ki, bu, Quba şəhər sakini, “VAZ-2107” markalı avtomaşının sürücüsü Turan İlqar oğlu Məlikov və "Mercedes" markalı avtomaşının sərnişini, 20 yaşlı, Xaçmazın Nərəcan kənd sakini Sərhəd Yəhya oğlu Məmmədovdur.
MÖVZU İLƏ BAĞLI:
Qubada ağır qəza: 2 ölü var - ÖZƏL/FOTO/VİDEO
Hadisə nəticəsində 3 nəfər yaralanıb. Onlar Quba rayon mərkəzi xəstəxanasına çatdırılıblar.
Yaralılardan biri "Mercedes"in sürücüsü, 29 yaşlı Bakı sakini Zamik Namiq oğlu İsmayılovdur.
Digər 2 yaralı da “Mercedes”in sərnişinləridir.
Xatırladaq ki, Quba-Xaçmaz yolunun Qubanın Alekseyevka kəndindən keçən hissəsində “VAZ-2107”, NİVA və “Mercedes” markalı avtomaşınlar toqquşub. Nəticədə “VAZ-2107” avtomobili yanıb.
Aytəkin Alxaslı, Bizim.Media
