Bakıda dələduzluq edən şəxsə 6 il həbs cəzası verildi

Hazırda oxunan: Bakıda dələduzluq edən şəxsə 6 il həbs cəzası verildi

153900

Bakıda vətəndaşa qarşı dələduzluq etməkdə təqsirləndirilən Tələt Əlizadəyə hökm oxunub və o, 6 il müddətinə azadlıqdan məhrum edilib.

Bizim.Media report.az-a istinadən xəbər verir ki, bu barədə hökm Bakı Ağır Cinayətlər Məhkəməsinin hakimi Azad Məcidovun sədrliyi ilə keçirilən prosesdə elan edilib.

Təqsirləndirilən şəxs məhkəmə zalında həbs edilib.

Qeyd edək ki, ittiham aktına görə, Tələt Əlizadə zərərçəkmiş şəxs qismində tanınan Tural Hüseynovun etibarından sui-istifadə edərək ona qarşı dələduzluq edib. Belə ki, ondan borc olaraq ümumilikdə 150 min manat pul alıb. Ona söz verib ki, əgər borcu qaytara bilməzsə, paytaxtdakı evlərindən birini verəcək.
Lakin T.Əlizadə zərərçəkmiş şəxsə olan borcu ödəməyib. T. Əlizadə hüquq-mühafizə orqanları tərəfindən saxlanılıb. Ona qarşı Cinayət Məcəlləsinin 178.3.2-ci (Dələduzluq külli miqdarda ziyan vurmaqla törədildikdə) maddələri ilə ittiham irəli sürülüb.

Bizim.Media