Kürdəmirdə xəsarətlə nəticələnən yol-qəzası baş verib.
Bizim.Media-nın Aran bürosu xəbər verir ki, hadisə Ağsu-Kürdəmir-İmişli yolunun rayonun Sor-Sor kəndindən keçən hissəsində qeydə alınıb.
Belə ki, VAZ-2107 markalı avtomaşının sürücüsü Kürdəmir istiqamətində hərəkətdə olarkən qarşısında hərəkətdə olan KAMAZ markalı yük maşınına çırpılıb.
Nəticədə VAZ-ın sürücüsü Bayramov Şirvan Gülməmməd oğlu müxtəlif dərəcəli bədən xəsarəti alıb. Yaralı dərhal təcili tibbi yardım maşınının köməyi ilə Kürdəmir rayon Mərkəzi Xəstəxanasına aparılıb və həkim nəzarətinə götürülüb.
Faktla bağlı araşdırma aparılır.
Bizim.Media, Aran bürosu
