Azərbaycan sərhədinin Laçın rayonunun Zabux kəndi ərazisindən keçən hissəsində dövlət sərhədini pozmuş Ermənistan vətəndaşı 1962-ci təvəllüdlü Raşid Aramis Begleryanla bağlı bəzi detallar üzə çıxıb.
Bizim.Media xəbər verir ki, bu barədə “Caliber”in məlumatında qeyd edilib.
MÖVZU İLƏ BAĞLI:
DSX: Dövlət sərhədini pozan Ermənistan vətəndaşı saxlanılıb
Bildirilib ki, o, “Laçın” keçid məntəqəsindən yan keçərək, sərhədi adlamağa cəhd edib.
Məlumata görə, Begleryan guya ki, “Spayka” humanitar yük daşıma şirkətinin sürücüsünün köməkçisidir.
Lakin onun təxribatlar törətmək və ya belə əməllərə zəmin hazırlamaq məqsədilə Azərbaycan ərazisinə göndərilmiş Ermənistan xüsusi xidmət orqanlarının əməkdaşı olduğunu deməyə əsas var.
Bizim.Media
