Yerin təkindən qanunsuz istifadə, o cümlədən qeyri-qanuni qum-çınqıl daşınmasının qarşısının alınması və aşkarlanması istiqamətində Balakən Rayon Polis Şöbəsinin əməkdaşları tərəfindən tədbirlər görülüb.
Bu barədə Bizim.Media-nın yerli bürosuna Daxili İşlər Nazirliyinin mətbuat xidmətinin Şəki regional qrupundan məlumat verilib.
MÖVZU İLƏ BAĞLI:
Masallıda ətraf mühiti zibilləyən 7 nəfər barəsində tədbirlər görüldü - FOTO
Keçirilən tədbirlər zamanı qeyri-qanuni qum-çınqıl daşınmasını və satışını həyata keçirən şəxslər müəyyən ediliblər.
Onlar barəsində İnzibati Xətalar Məcəlləsinin 243-cü (Yerin təkindən istifadə qaydalarının pozulması) maddəsi ilə protokollar tərtib edilib. Qum-çınqıl satışı ilə məşğul olan şəxslərlə profilaktik söhbətlər aparılıb, bu fəaliyyətlə məşğul olmaq üçün aidiyyəti dövlət orqanlarından lisenziya almağın vacib olduğu onların diqqətinə çatdırılıb.
DİN-in Regional qrupundan bildirilib ki, cari il ərzində məişət tullantılarının konteynerlərdən kənara atılması istiqamətində qayda pozuntusuna yol verən 80 nəfər müəyyən edilib.
Tural Rasim oğlu, Bizim.Media, Şimal-Qərb bürosu
