Göygöldə 3 avtomobilin zəncirvari toqquşması xəsarətlə nəticələnib.
Bizim.Media-nın yerli bürosunun məlumatına görə, qəza Göygöl-Toğanalı-Kəlbəcər yolunun rayon ərazisindən keçən hissəsində baş verib.
Hərəkətdə olan "VAZ-21011", "QAZ-24" və "Mercedes" markalı minik avtomobilləri toqquşub.
Yol nəqliyyat hadisəsi zamanı 1 nəfər müxtəlif dərəcəli bədən xəsarətləri alaraq xəstəxanaya yerləşdirilib.
Faktla bağlı araşdırma aparılır.
Məqsəd Rəhimov, Bizim.Media, Qərb bürosu
