Azərbaycan Respublikasının Silahlı Qüvvələr Günü ölkədə bayram günü kimi qeyd olunur. Hərbi parad keçirilir, ordumuzun yaranması günü şərəflə anılır. Hazırda 26 iyun Silahlı Qüvvələr Gününə hazırlıqlar başlayıb.
Azərbaycan Yazıçılar Birliyinin Mətbuat Xidmətinin rəhbəri Xəyal Rza 26 iyun Ordu günü ilə əlaqədar Moderator.az saytına açıqlama verib.
Xəyal Rza bu kimi önəmli günlərdə tədbirlər təşkil etdiklərini deyib. Belə mühüm günlərin önəmi Yazıçılar Birliyi tərəfindən daim diqqətdə saxlanıldığnı və tədbirləri ayrı-ayrı şöbələrin icra etdiyini vurğulayıb. “Vətənpərvərlik komisiyasının sədri bu işlə ətraflı məşğul olur. “Ulduz”x9d jurnalı və AYB saytı da bu kimi günləri vaxtaşırı işıqlandırır. Biz ümumiyyətlə, tədbirlər təşkil etmək üçün hər hansı bir günü gözləmirik. Bütün diqqətimiz ölkənin mühüm məsələlərinə həsr olunub. Qurumumuz tərəfindən Silahlı Qüvvələr Günü də layiqincə qeyd olunacaq”x9d.
Kəmalə Yusifli
