Zaqatalada məktəbə ildırım düşüb. Hadisə rayonun Əliabad kənd tam orta məktəbində qeydə alınıb.
Bizim.Media-nın yerli bürosu xəbər verir ki, axşam saatlarında baş verən güclü ildırım çaxması məktəbdə yanğına səbəb olub.
İlkin araşdırmalarla məlum olub ki, məktəbə ildırım düşüb. Baş verən yanğınla bağlı FHN nin Yanğından mühafizə bölmələri və canlı qüvvəsi hadisə yerinə göndərilib.
Güclü leysana rəğmən alovunun durmadan artmasına baxmayaraq yanğınsöndürənlərin səyi nəticəsində yanğın söndürülüb.
FHN Zaqatala Yanğından mühafizə bölməsindən bildirilib ki, məktəbin damında başlayan yanğın sinif otaqlarına keçmədən söndürülüb.
Hadisə zamanı xəsarət alan olmayıb.
Tural Rasim oğlu, Bizim.Media, Şimal- Qərb bürosu
