Heydər Əliyev fondunun istehsal etdiyi “Xocalıya ədalət” adlı video-çarx tacik dilinə tərcümə olunaraq Tacikstan mediasında geniş yayımlanıb.
Bu barədə Bizim.Media-ya Azərbaycanın Tacikistandakı səfirliyindən məlumat verilib. Filmdə Xocalı faciəsini özündə əks etdirən fraqmentlər və ermənilər tərəfindən dinc sakinlərə qarşı törədilən soyqırım faktları öz əksini tapıb.
MÖVZU İLƏ BAĞLI:
“Xocalıya ədalət” kampaniyası çərçivəsində petisiya yayılıb
Tacikistanın məşhur “Faraj” qəzetində Xocalı qətliamının bütün ağrı-acısını özündə əks etdirən məqalə də işıq üzü görüb.
Məqalədə Ermənistan-Azərbaycan Dağlıq Qarabağ münaqişəsinin tarixi haqqında ətraflı danışılır, Xocalı faciəsində vəhşicəsinə öldürülən, yaralanan, itkin düşən insanlardan söz açılır.
Yazıda Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq təbliğat və məlumatlandırma kampaniyasından danışılır, Xocalı soyqırımını tanıyan ölkələr haqqında məlumat verilir.
Məqalədə Xocalı faciəsi təkcə Azərbaycan xalqına deyil, eyni zamanda bütün insanlığa qarşı yönəlmiş dəhşətli bir cinayət əməli kimi səciyyələndirilir.
Bizim.Media
