Qəbələdə bədbəxt hadisə baş verib.
Fövqəladə Hallar Nazirliyinin Şimal-Qərb regional idarəsinin əməkdaşı iynə vurulandan sonra keçinib.
Bizim.Media-nın yerli bürosu xəbər verir ki, 36 yaşlı Eldəniz Mehdiyev işdən kənarda, müalicə məqsədilə vurulan iynədən sonra keçinib.
Qeyd edək ki, mərhum Eldəniz Mehdiyev FHN-in Şimal-qərb regional idarəsinin Mülkü müdafiə şöbəsinin rəisi olub.
Faktla bağlı araşdırmalar başlayıb. Hazırda müvafiq orqanların nümayəndələri FHN əməkdaşının hansı səbəbdən ölməsi faktını araşdırır.
Həkim ekspertizası təyin edilib və müayinələr başa çatandan sonra ölüm faktı dəqiq bilinəcək.
Tural Rasim oğlu, Bizim.Media, Şimal-Qərb bürosu .
