"Bahar Enerji”x9dnin rəhbərliyindən İlham Əliyevə sensasion şikayət - YENİLƏNİB

"Deyl Macfaden-in müavini Əliskəndər Qurbanovdur, bu şəxs Azərbaycan Dövlət Neft Şirkətinin vitse-prezidenti Rəhman Qurbanovun qardaşının oğludur..."

"Katibə vəzifəsində işləyən Nərminə Qardaşxanova yanacaq və digər komissiyalar üzrə rəhbərdir, "SOKAR"ın vitse-prezidenti Rəhman Qurbanovun himayəsində olan, "SOKAR"ın 1-ci vitse-prezidenti Süleyman Qasımovun isə əsas adamı kimi onun tapşırıqlarını yerinə yetirir"

“Bahar Enerji”x9d Əməliyyat Şirkətinin bir qrup qocaman neft işçisi, fəhləsi, elektriki, sürücüsü, mexaniki və digər neft peşə sahibləri bu şirkətdə baş verən ozbaşınalıqlardan, qanunsuzluqlardan Prezident İlham Əliyevə müraciət etdi.

Müraciətdə deyilir:

Hörmətli cənab Prezident!

Biz, “Bahar Enerji ”x9d Əməliyyat Şirkətinin bir qrup qocaman neft işçisi, fəhləsi, elektriki, sürücüsü, mexaniki və digər neft peşə sahibləri Şirkətdə baş verən ozbaşınalıqlardan, qanunsuzluqlardan və bizə qarşı olan təzyiqlərdən bezmişik. Bizlərə əvvəlki “Qum adası”x9d NQÇİ-nin işçiləri olmuşuq, uzun illərdi ki, bu sahədə işləyirik, bu cür özbaşınalığa rast gəlməmişik. Bildiririk ki, Şirkətdə qanunsuzluqlar o həddə çatıb ki, hətta neft-qaz işləri üzrə təhsili olmayan sürücü, katibə, tərcüməçi olan şəxslər bizlərə rəhbər vəzifələrə təyin edilib. Belə vəziyyətdə neftin çıxarılmasından söhbət belə gedə bilməz. 

"Bizlərin əmək haqları böhran adı altında azaldıldı, lakin aşağıda adları göstərilən şəxslər və onların adamları, qohum-əqrabalarının əmək haqları qaldırıldı..."

Lakin bu vəziyyətləri bildirəndə bizləri işdən çıxarmaqla hədələyirlər. Hazırki böhran dövründə işsiz qalıb uşaqlarımızı və ailəmizi ac-susuz saxlamamaq üçün bir az dözürük. Amma bu halların təkrar baş verməsi bizləri susdura bilməzdi.
Bizlərin əmək haqları böhran adı altında azaldıldı, lakin aşağıda adları göstərilən şəxslər və onların adamları, qohum-əqrabalarının əmək haqları qaldırıldı. Bizlərin banklara kredit borclarımız var və biz bu krediti götürəndə bundan əvvəlki əmək haqqımızı nəzərə almışdıq. Böhran “neftçi babaya”x9d təsir edir ancaq??? Hətta vəziyyət o yerə çatıb ki, bu şəxslər Azərbaycan hökümətini və Dövlət Neft Şirkətini aldatmağa çalışırlar. Niyə, məhz onlar deyil, bizlər bu böhranın təsirinə düşürük? Onlara bu böhran niyə təsir etmir? Demək araşdırılmalı işlər hələ də çoxdur. Bunlar qanunsuzluqların hələ bir hissəsidir.
Hörmətli cənab Prezident!
1.Hal-hazırda şirkətə Əməliyyat üzrə Menecer Amerika vətandaşı Dayl Makfaden rəhbərlik edir. Lakin maraqlı məqam orasındadır ki, həmin şəxsin Azərbaycanda işləməsi üçün iş icazəsi olsada iş icazəsi saxta diplomla əldə edilib. Əldə etdiyimiz Facebook səhifəsindəki məlumata əsasən həmin şəxs Amerikada Belford Universitetini neft mühəndisi ixtisası üzrə bitirib. Gülməli olsada, lakin həmin Universitet ümumiyyətlə mövcud deyil (//www.coderanch.com/t/45680/md/belford-university-degrees-fake). Bəs mövcud olmayan Universiteti necə bitirmək olar? Bu məlumatı Dayl facebook səhifəsidə görəndə biz internetdə Belford Universitetini araşdırdıq və bəlli oldu ki, həmin mövcud olmayan Universitetdə oxumağa ehtiyac yoxdur, onlayn yolla 150 dollar ödəməklə Universitet adından diplom əldə etmək olur. Dayl uzun müddətdir ki, Azərbaycanda saxta diplomla özündən qat-qat təcrübəli və sözün əsl mənasında neft sahəsinə ömrümü vermiş əsil peşəkarlara rəhbərlik edir. Bunun üçün Azərbaycan Respublikası Dövlət Miqrasiya Xidmətinin qısa araşdırma aparması kifayət edir ki, dediklərimizin təsdiqi ortaya çıxsın. Bu şəxsin neftdən anlayışı olmaması səbəbindən neftin səviyyəsi bərbad vəziyyətdədir. Dayl təcrübəli neftçiləri işdən çıxardıb .Güman edirik ki, həmin şəxsin əməllərinə müvafiq orqanlar nəzər yetirib bizlərə dəstək olacaqlar. Bizə Rəhbər olan Dayl ozü adi fəhlədir və dələduzluqla illərdir Azərbaycan Dövlətini aldadır və bizlərin hesabına firavan həyat tərzi sürür. Hətta o ağır xəstədir və bu səbəbdən nəinki platformalardan, bizlərin nə şəraitdə işlədiyimizdən, heç Qum adasının sahəsindən belə xəbəri yoxdur.
"Rahib Mustafayev "Dayl Makfaden" tərəfindən tərcüməçi kimi işə gətirilmişdir və o, “Bahar Enerji ”x9d Əməliyyat Şirkətinin təchizat və maliyyə işlərini idarə edir, Şirkətə öz qohum-əqrabalarını, dostlarını, hətta dini təriqətin nümayəndələri olan "Vahabil"əri toplayıb" 
2.Şirkətdə Kommersiya üzrə vitse-prezident vəzifəsində işləyən Rahib Mustafayev "Dayl Makfaden" tərəfindən tərcüməçi kimi işə gətirilmişdir. Keçmiş təcrübəsi tərcüməçi olsa da hal-hazırda “Bahar Enerji ”x9d Əməliyyat Şirkətinin təchizat və maliyyə işlərini idarə edir. Bununla bərabər, o, Şirkətə öz qohum-əqrabalarını, dostlarını, hətta dini təriqətin nümayəndələri olan "Vahabil"əri toplayıb. Bildiririk ki, “Bahar Enerji ”x9d Əməliyyat Şirkətinin Əməliyyat üzrə Departamentin aparıcı vəzifələrində şöbə rəisləri "vahabi"lərdir. Onun rəhbərlik etdiyi QHT isə bunların dini təriqətinin nümayəndələrini maliyyələşdirir və onların Şirkətdəki işdən savayı dini təriqətin alovlanmasında iştirak edirlər. Rahib Mustafayevin adamlarından biri də elektrik təhsili olmayan baş elektrik Nail Nağıyevdir.
3.Cənab Prezident! Bildiririk ki, Şirkətdə Əməliyyat üzrə Menecerin, yəni Deyl Macfaden-in müavini Əliskəndər Qurbanovdur. Bildiririk ki, bu şəxs Azərbaycan Dövlət Neft Şirkətinin vitse-prezidenti Rəhman Qurbanovun qardaşının oğludur. O, bu nüfuzdan istifadə edərək Şirkətdə baş verən qanunsuzluqlara rəhbərlik edir. Bu yaxınlarda neftçilərin əmək haqlarının aşağı salınması təşəbbüsü də onun tərəfindən edilib. Bunun qarşılığında isə Əliskəndər Qurbanovun əmək haqqı qaldırılıb. Ona şikayətlərimiz isə həmişəki kimi cavabsız qalır və ondan şiakayət etdikdə isə “Mənim əmim "Socar"ın vitse-prezidentidir, sizlər mənə hec nə edə bilməzsiniz”¦”x9d deyə cavab verir. Məgər birinin əmisinin yüksək vəzifə tutması neftçilərə əziyyət verməsinə əsasdır? Bizlər gecəmizi gündüzümüzə qatanda bu şəxs savadsız qərarları ilə neft sistemini bərbat vəziyyətə qoyub. Bizlərin Əliiskəndər Qurbanovun əmisi kimi dayağımız yoxdur, lakin bizlər ilk öncə Ölkə başçısı cənab İlham Əliyevi və ARDNŞ-nin rəhbəri Rövnəq Abdullayevi özümüzə həmişə dayaq və yanımızda olan lider sayırıq.
4.Cənab Prezident İlham Əliyev! Siz hər dəfə çıxışlarınızda yüksək vəzifə tutan məmurlara onların qohumlarının bu vəzifədən sui-istifadə etməsinə dair xəbərdarlıqlar etmisiniz. Odur ki, Rəhman Qurbanov ölkə başçısının bu xəbərdarlıqlarını, deməli, saya saymır, yoxsa qardaşı oğlunun törətdiyi özbaşnalıqlarının arxasında durmaqla qanunsuzluqlarına göz yummazdı... Şirkətdə hamı danışır ki, Rəhman Qurbanov tezliklə "SOKAR"ın prezidenti olacaq, artıq məsələ filan yerdə həll edilib və s. 
Cənab Rövnəq Abdullayev bu məsələyə dair araşdırılma aparılmasına dair tapşırıq versə, bizim nə qədər haqlı olduğumuzu göstərəcək. Biz iş yerlərimizi itirməkdən qorxuruq, ona görəcdə uzun müddətdir ki, araşdırma aparırıq və Sizə verilən məlumatların heç biri sübütsüz deyildir. İnanırıq ki, "Təzadlar" qəzeti dövlətçiliyimizə sadiq KİV olaraq səsimizi Sizə çatdıracaq. 
Cənab Prezident! Yuxarıda qeyd etdiyimiz kimi, Şirkətimizdə yüksək vəzifə tutanlardan biri də Anar Cabbarovdur. O, şirkətin maliyyə meneceri Erik Stupart-ın sürücüsü vəzifəsində uzun müddət işləyib. Şirkətdə baş verən struktur dəyişiklikləri nəticəsində Təchizat şöbəsi də Erikin tabeçiliyinə verilib. Və həmən gündən o, Anarı, yəni sürücüsünü təchizat şöbəsinin alışları üzrə rəhbər vəzifəyə təyin edib. Bunu da qeyd edək ki, Anar Cabbarovu şirkətə elə Erik özü ilə qətirib. Bu gün sürücü şirkətimizin bütün alışlarına nəzarət edir.
"Katibə vəzifəsində işləyən Nərminə Qardaşxanova yanacaq və digər komissiyalar üzrə rəhbərdir, "SOKAR"ın vitse-prezidenti Rəhman Qurbanovun himayəsində olan, "SOKAR"ın 1-ci vitse-prezidenti Süleyman Qasımovun isə əsas adamı kimi onun tapşırıqlarını yerinə yetirir"
5.Cənab Prezident! Şirkətdə Nəqliyyat və xüsusi texnika üzrə şöbənin rəhbəri Fəxrəddin Qasımovdur. Fəxrəddin Qasımov bir il bundan əvvəl 2015-ci ildə aşkar olunmuş yanacaq üzrə yeyintiyə görə işdən qovulmuşdur və bir müddət sonra yenidən işə bərpa olunmuşdur, daha yüksək vəzifə ilə təmin olunmuşdur. Həmin şəxs Deyl və Rahib Mustafayevin əsas füqurlarından biridir. Fəxrəddin Qasımov bu vəzifədə işləməyə başladıqdan sonra ümumiyyətlə, qanunsuzluqlar baş alıb gedir. Şirkətə bu sahədə tanışlıqlar etdiyi Şirkətlər cəlb edilib, yüksək məbləğlərdə iş pulları yazılır. Nəticədə bunlar həmin pulları silməklə məşğul olurlar. Bununla yetinmədən hazırda Şirkətin hesabında bir dənə də olsun boru qalmayıb, hamısı bu şəxsin tapşırığı və Rahib Mustafayevin rəhbərliyi ilə bazarlarda satışdadır. Təəssüflər olsun ki, Şirkətin rəhbəri amerika vətandaşı Norman Benson-un da bunlardan xəbəri yoxdur. Və biz ona bunları deməyə və sübüt eməyə qorxuruq, çünki Deyl və Rahib onu da öz təsiri altına salıblar və onlara inanaraq bizə inanmayacaq. 
6.Cənab Prezident! Bu da azmış kimi şirkətdə əvvəl katibə vəzifəsində işləyən Nərminə Qardaşxanova hal-hazırda Direktor vəzifəsində işləyir. Nərminə Qardaşxanova yanacaq və digər komissiyalar üzrə rəhbərdir və araşdırmalar aparır. Rəhman Qurbanovun 1 nömrəli adamıdır, əsasən də "SOKAR"ın 1-ci vitse-prezidenti Süleyman Qasımovun adamı kimi onun tapşırıqlarını yerinə yetirir, onun keşmiş rus millətindən olan "adam"larından birinin əmrinə tabedir (Etik qaydaılara görə bəzi məqamlar araşdırılıb sonra təqdim ediləcək). Heç yanacaqdan başı çıxmayan və indiyədək bu sahədə heç bir təcrübəsi olmayan bu adam bizlərdən izahatlar alır. Və bizim ixtiyarımız yoxdur ki, ona işi öyrədək, çünki ona Rahib Mustafayev "himayədarlıq" edir, deyir ki, Süleyman Qasımovun adamıdır... Onun aldığı əmək haqqı ilə neçə təcrübəli neftçi işləyə bilər, lakin o, Rahibin adamı, olduğu üçün ona hər çür şərait yaradılır və böhranı bəhanə edib bizlərin əmək haqqını azaldıblar, hətta işdən belə azad edirlər. İllərlə mühəndis vəzifəsində işləyən əməkdaşları isə işdən çıxardırlar. Süleyman Qasımovun himayəsində olan bu xanımın tutduğu vəzifə artıq xərcdən başqa bir şey deyil...

7.Diqqətinizə çatdırırıq ki, Şirkətdə 2011-ci ildə Həmkarlar İttifaqı yaradılanda bizlər sevinmişdik ki, onlar bizim hüquqlarımızı qoruyacaq. Lakin hazırda görürük ki, həmin qurumda sadəcə Rahib Mustafayevin və digər ətrafının sözü ilə hərəkət edən bir dəstə var. Həmkarlar İttifaqının sədrinin müavini Fərid İlyasov Rahib Mustafayevin ən yaxın adamıdır. Onlar böhran bəhanəsi ilə başımıza turp əkirlər-maaşlarımızı kəsiblər, özlərinə isə bu böhran aid deyil. Rövnəq Abdullayev bunu bilmir??? Şirkətdə işləyən işçilərin əmək haqları kəsilərkən, onlara qarşı haqslzlıq olarkən Həmkarlar İttifaqına getdik, Fərid İlyasova və Hüquq departamentinin meneceri Əhmədiyyə Musayevə bildirdik. Onlar isə işçiləri qanunla müdafiə etmək əvəzinə Rahib Mustafayevin dilindən çıxış etdilər və ”x9dXoşunuz gəlmirsə işləməyin”¦.”x9d kimi çağırışlar etdilər. Həmkarlar İttifaqı işçiləri deyil, Şirkət rəhbərliyini qoruyacaqsa, onların sözü ilə oturub duracaqsaƏ onda nəyə lazımdır bu qurum? Biz kimə müraciət edək ki, bizi qorusun? Biz dəfələrlə Əhmədiyyə Musayevə müraciət etmişik... Bu şəxslər özlərini ətrafda “komanda”x9d adlandırırlar, lakin onların bu dövlətə bir damla da olsun xeyir vermək niyyəti yoxdur. Bu məktubumuzu AR Prezident Administrasiyasına, AR Dövlət Neft Şirkətinin rəsmilərinə, Dövlət Miqrasiya Xidmətinə, Əmək və Əhalinin Sosial Müdafiəsi Nazirliyinə göndərmişik, amma nəticəsi yoxdur. Yaxşı deyirlər ki, bu ölkədə Prezidentdən başqa, sanki heç kim işləmir.  

Cənab Prezident, bizə sahib durun, komissiya göndərin, Şirkətdə ciddi araşdırma olsun. Onda hər şey aydın olacaq. Bizlər Sizə inanırıq və bilirik ki, Sizin müdaxilənizdən sonra problem həllini tapacaq. 

Böyük ümid və sayğılarla:"Bahar Enerji" Şirkətinin işçiləri.

Redaksiyadan: müraciət cənab Prezidentin rəsmi elektron poçtuna göndərilib.

Qarşı tərəfin də mövqeyini dinləməyə hazırıq.

""Təzadlar" qəzeti