Şimal-Qərb bölgəsinə güclü qar yağıb

Ötən gündən başlayaraq Şəki-Zaqatala rayonlarında əvvəlcə yağış yağıb, gecə saatlarında isə qara çevrilib.

Bizim.Media-nın yerli bürosu xəbər verir ki, hazırda bölgənin dağlıq və dağətəyi kəndlərində qarın qalınlığı 25-30 sm, aran ərazilərdə isə 10-15 sm-ə çatır.

Bəzi ərazilərdə elektrik enerjisində problemlər yaranıb.

Səhər saatlarından başlayaraq bölgənin magistrallarında, eləcə də şəhər mərkəzlərində yollar qardan təmizlənir, duz qarışıq qum səpilir.

Bölgə rayonlarında mavi yanacaq və rabitə şəbəkəsində hələlik heç bir kəsinti və ya fasilə müşahidə olunmayıb.

Tural Rasim oğlu, Bizim.Media, Şimal-Qərb bürosu