Ağdamda Azərbaycanın Milli Qəhrəmanı, Şəhid Canpolad Rzayevdən bəhs edən sənədli filmin təqdimatı keçirilib.
Bizim.Media-nın yerli bürosu xəbər verir ki, Ağdam Muğam Mərkəzində baş tutan mərasimdə rayon ictimaiyyətinin nümayəndələri, şəhidin ailə üzvləri və müharibə veteranları iştirak edib.
Çıxış edənlər Canpolad və atası Yaqub Rzayevin keçdiyi döyüş yolundan geniş söhbət açaraq onların xatirəsini ehtiramla anıblar.
Sonra rejissor Elşən Zeynalovun ərsəyə gətirdiyi "Canpolad" filmi tamaşaçılara təqdim olunub.
Elgün Gəncimsoy, Bizim.Media, Qarabağ bürosu
