Bərdə rayonunun Divanlı kəndindən olan 5 yaşlı Məhəmməd Əlizadə həm nağarada ifa edir, həm də nəğmə oxumağı bacarır.xa0
Məhəmmədin anası Gülmirə Tağıyeva ailənin sonbeşiyi Məhəmmədin 3 yaşından musiqi ilə maraqlanmağa başladığını deyir. Elə ailədə musiqiçilərin çox olması onun işini daha da asanlaşdırıb.xa0
Üstünlük verdiyi xalq mahnılarını ilk olaraq nağara alətində ritmlə ifa etdikdən sonra oxumağı öyrənən balaca Məhəmməd, hətta, başqa müğənnilərin vurduğu xaric notları asanlıqla müəyyənləşdirə bilir.xa0
"Müğənnilərə fikir verir, xaric ifa eləyən olan kimi deyir ki, bax orada səhv elədi. Özündə də bilir onu. Bəzi yerlərdə səhv eleyəndə deyir ki, burada səhv elədim, bir də başlayır oxuyur”x9d - deyə Məhəmmədin anası Gülmirə Tağıyeva bildirib.xa0
Məhəmmədi tanıyan musiqiçilər çətin notlarla yazılan və geniş diapozon tələb edən xalq mahnılarımızı onun səlis və düzgün ritmlə ifa etməsini yüksək qiymətləndirirlər.xa0
Məhəmmədin ən böyük arzularından biri böyüyəndə tanınmış xanəndə olmaqdır. Valideyinləri də Məhəmmədi gələcəkdə müsiqi məktəbinə göndərməyin və onun musiqi təhsili almasının tərəfdarıdırlar (Region TV).
