Azərbaycan Dövlət Aqrar Universitetinin yataqxanasında yanğın baş verib.
Bununla bağlı Baku.WS videogörüntü yayıb. Videodan göründüyü kimi yanğın yataqxananın yeddinci mərtəbəsində baş verib.
Əraziyə yanğının söndürülməsi üçün Fövqəladə Hallar Nazirliyinin yanğınsöndürənlərinin cəlb olunduğu bildirilir.
Məsələ ilə bağlı Azərbaycan Dövlət Aqrar Universitetinin yataqxanası ilə əlaqə yaratdıq. Universitetin nəzarətçisi Bizim.Media-ya açıqlamasında yanğından xəbəri olmadığını və bu barədə heç bir məlumat verə bilməyəcəyini bildirib.
Nəzarətçidən universitetin mətbuata danışan rəsmiləri ilə əlaqələndirilməyimizi istəsək də, sonradan zənglərimizə cavab verən olmayıb.
Öz növbəsində Fövqəladə Hallar Nazirliyinin rəsmisi Pərviz Aslanov da sözügedən yanğın barədə məlumatsız olduğunu bildirib.
Alçina Amilqızı, Bizim.Media
