Bu gün Bakının Nərimanov rayonunda evdən tapılan 4 meyitdən birinin kimliyi müəyyənləşib.
Bizim.Media xəbər verir ki, bu, 19 yaşlı Allahverdiyev Kamran Xaliq oğludur.
Hadisədən öncə Kamranın itkin düşməsi barədə polisə məlumat verilib. O, dekabrın 31-də dostunun ad gününə getmək üçün evdən çıxıb və geri qayıtmayıb.
Kamran Bakıdakı şadlıq evlərinin birində ofisiant işləyib. Ailəsi 31 dekabr tarixindən onunla əlaqə yarada bilməyiblər.
K.Allahverdiyev Sumqayıtda 31 nömrəli məktəbin 10-cu sinif şagirdi olub. O, ailəsinin yaşayış yerini dəyişməsi səbəbi ilə məktəbə gec başlayıb.
Qeyd edək ki, bu gün Bakının Nərimanov rayonunda bir mənzildən 4 nəfərin meyiti tapılıb. İlkin məlumata görə, onların dəm qazından boğulduğu və ya qidadan zəhərlənərək öldüyü ehtimal edilir.
Bizim.Media
