Zaqatalada dövlət hesabına tikilən 5 min ev sənədləşdirildi

Zaqatala rayonunda təbii fəlakət nəticəsində dağılmış və ya yararsız vəziyyətə düşmüş yaşayış sahələrinin əvəzinə dövlət vəsaiti hesabına inşa edilən yaşayış evlərinin Dövlət Xidməti tərəfindən sənədləşdirilməsi məqsədilə səyyar qeydiyyat xidməti göstərilib. 

Bizim.Media-nın yerli bürosu rayon icra hakimiyyətinə istinadən bildirir ki, belə tədbirlər sayəsində vətəndaşlar heç bir quruma getmədən, əlavə vaxt itkisi olmadan daşınmaz əmlaklarına dair çıxarışları əldə edirlər.

Bütün bunlar isə vətəndaş məmnunluğunun, eləcə də əlçatanlıq, şəffaflıq və rahatlığın artmasına səbəb olur. 

Məlumat üçün bildiririk ki, Fərmanın əhatə etdiyi şəxslərin adlı siyahısı Əmlak Məsələləri Dövlət Xidmətinin rəsmi saytında (emlak.gov.az) yerləşdiriləcək. 

Tural Rasim oğlu, Bizim.Media, Şimal-Qərb bürosu