“Azyaşlıların “Tiktok”a girişinə qadağa qoyulsun” – Parlamentdə TƏKLİF

“”Tiktok” sosial şəbəkəsindən dünyanın bir çox ölkələrində səmərəli kontentin formalaşdırılması üçün də istifadə olunur. Lakin Azərbaycan seqmentində bu barədə danışa bilmək üçün ciddi əsaslar yoxdur”.

Bizim.Media xəbər verir ki, bu fikrləri Milli Məclisin bu gün keçirilən plenar iclasında millət vəkili Elşad Mirbəşir səsləndirib.

“Bu sosial şəbəkədə hazırlanan kontentlər gələcək nəslin məhvinə yönəlməkdədir. Təklif edirəm ki, qanunvericilik səviyyəsində azyaşlıların “Tiktok”a çıxışı tamamilə qadağan olunsun. Çünki “Tiktok”da xalqımızın gələcək nəslinin məhvinə yönələn kontent formalaşıb. 
Aparılmış araşdırmalar göstərir ki, 16-24 yaş arasında “Tiktok” istifadəçilərinin sayı 60%-ə bərabərdir. Azyaşlıların özləri də kontentlər hazırlayır ki, bunların çoxu bizim əxlaqi dəyərlərimizə ziddir”, - deyə deputat əlavə edib.

Murad Əhmədov, Bizim.Media