Gəncədə baş verən ağır yol qəzasında piyada həyatını itirib.
Bizim.Media-nın yerli bürosunun məlumatına görə, hadisə şəhərin Yeni Gəncə yaşayış massivində baş verib.
Hərəkətdə olan "Mercedes", "VAZ-2106" və "Daewoo Nexia" markalı minik avtomobilləri toqquşub.
Qəza zamanı avtomobillərdən biri yolun kənarında dayanan piyadanı, Gəncə şəhəri Bayan küçəsinin sakini, 1992-ci il təvəllüdlü Ramin Musayevi vurub. O, xəstəxanaya aparılarkən yolda ölüb.
Zəncirvarı qəza zamanı "VAZ-2106” sürücüsü 2001-ci il təvəllüdlü Hüseyn Məmmədov da xəsarət alıb. Hadisə yerinə polis əməkdaşları cəlb olunub.
Faktla bağlı araşdırma aparılır.
Məqsəd Rəhimov, Bizim.Media, Qərb bürosu
