Qəbələ və İsmayıllı gəncləri Almaniyada təlim proqramına qatılacaq

Hazırda oxunan: Qəbələ və İsmayıllı gəncləri Almaniyada təlim proqramına qatılacaq

108882

Ölkəmizdə ilk dəfə peşə təhsil mərkəzlərində təhsil alan tələbələr üçün xarici ölkələrdə təlim-tərdis və təcrübə keçmək üçün layihəyə start verilir.

Bu barədə Bizim.Media-nın regional bürosuna Qəbələ Peşə Təhsil Mərkəzindən məlumat verilib.

Belə ki, Peşə Təhsili üzrə Dövlət Agentliyinin koordinasiyası ilə Alman Əmanət Bankı Maliyyə Qrupunun nümayəndələri tərəfindən Cənubi Almanyada Təcrübə keçəcək seçilmiş tələbələrlə Qəbələ Peşə Təhsil Mərkəzində təlim proqramına start verilib.

Kənd təsərrüfatı üzrə təhsil alan tələbələr 8 ay müddətində Cənubi Almanyada ailə təsərrüfatlarında işləmək və yaşamaqla təcrübə keçəcəklər.

Bu layihə üzrə hər iki peşə təhsil mərkəzindən seçilmiş tələbələrə “Fermer biznes oyunu” adlı təlimlər keçirilir. Təlimlər 4 gün davam edəcək və “Təsərrüfatın davamlı İdarəedilməsi” təlimi ilə yekunlaşacaq.

Tural Rasim oğlu, Bizim.Media, Şimal-Qərb bürosu