Şimal bölgəsində mövsüm üçün xarakterik, turislərin isə təəccübünə səbəb olan hava şəraiti müşahidə olunur.
Bizim.Media-nın regional bürosunun məlumatına görə, noyabrın 6-da Quba və Qusarın dağ kəndlərinə qar yağıb, havanın temperaturu -5 dərəcəyə qədər enib.
Bu gün isə tam əksinə, dağ kəndlərində günəşli hava müşahidə olunur.
Qusarın Ləzə, Qubanınsa Xınalıq kimi kəndlərinin sakinlərinin sözlərinə görə, belə hava bölgə üçün xarakterikdir:
“Bu bir növ qar və günəşin vəhdəti kimi təbiətin sürprizi hesab edilə bilər. Belə hava şəraiti dağ kəndlərinin sakinləri üçün normaldır. Çünki oktyabr ayının 15-dən sonra qar yağışı və günəşli hava bir-birini daimi olaraq əvəz edir. Bura gələn turistlər üçün isə vəziyyət sürpriz kimi qəbul edilə bilər”, - deyə yerli sakinlər bildirib.
Aytəkin Alxaslı, Bizim.Media, Şimal bürosu
