Azərbaycanda bələdiyyə sədri barəsində cinayət işi başlanılıb.
Bu barədə Bizim.Media-ya Neftçala Rayon Prokurorluğundan məlumat verilib.
Bildirilib ki, Neftçala bələdiyyəsinin vəzifəli şəxsləri tərəfindən müxtəlif dövrlərdə pul vəsaitlərinin mənimsənilməsi faktı ilə bağlı rayon prokurorluğunda araşdırma aparılıb.
Araşdırmalarla bələdiyyənin büdcəsindən 3 min 236 manat dəyərində ərzaq yardımının əsassız olaraq silinməsinə, eləcə də ödəniş tapşırığı ilə ərzaq mağazasına köçürülən vəsaitin 8 min 600 manat məbləğində hissəsinin bələdiyyə sədri Rövşən Quliyev tərəfindən mənimsənilməsinə əsaslı şübhələr müəyyən edilib.
Faktla bağlı Neftçala Rayon Prokurorluğunda Cinayət Məcəlləsinin 179.2.3 (şəxs tərəfindən öz qulluq mövqeyindən istifadə etməklə mənimsəmə və ya israf etmə) və 179.2.4-cü (xeyli miqdarda ziyan vurmaqla mənimsəmə və ya israf etmə) maddələri ilə cinayət işi başlanılıb.
Hazırda istintaq davam edir.
Bizim.Media
- A-
- A
- A+
Cəmiyyət
11:07 / 21.10.2022
Neftçala bələdiyyəsinin sədrinə cinayət işi açıldı
Hazırda oxunan: Neftçala bələdiyyəsinin sədrinə cinayət işi açıldı
Hazırda oxunan: Neftçala bələdiyyəsinin sədrinə cinayət işi açıldı
100438
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
