“ABŞ “907-ci düzəliş”i aktivləşdirməklə özünü enerji layihələrindən kənarda qoyacaq” – Səməd Seyidov 

Hazırda oxunan: “ABŞ “907-ci düzəliş”i aktivləşdirməklə özünü enerji layihələrindən kənarda qoyacaq” – Səməd Seyidov 

165385

“1992-ci ildə ermənilər bizim torpağımızı işğal edəndə ABŞ “907-ci düzəliş”lə bizə qarşı sanksiya tətbiq etdilər. Çox təəssüf ki, Qərb reallığı görmək istəmədi. Lakin ABŞ özü terrora məruz qalanda bizə müraciət etdi. Biz də onlara yardım əlimizi uzatdıq”. 

Bizim.Media xəbər verir ki, bu fikirləri Milli Məclisin plenar iclasında Beynəlxalq münasibətlər və parlamentlərarası əlaqələr komitəsinin sədri Səməd Seyidov səsləndirib. 
 

MÖVZU İLƏ BAĞLI:

“ABŞ Senatının qəbul etdiyi sənəd BMT-nin bəyanatına ziddir” – SPİKER 


Deputat qeyd edib ki, ABŞ üçün “qırmızı xətt” Azərbaycanın öz ərazi bütövlüyünü bərpa etməsi idi: 

“ABŞ-ın qəbul etdiyi Ermənistanı müdafiə aktı faktiki olaraq Azərbaycana qarşı sanksiya mahiyyəti daşıyırdı. “907-ci düzəliş”i yenidən tərtib etmək ikili standartların aktivləşdirilməsi deməkdir. Əgər Bayden bu düzəlişi imzalasa, Azərbaycan-ABŞ münasibətlərinə ciddi zərbə vurulacaq.  

Amma Azərbaycan 1992-ci ilin Azərbaycanı deyil. Bu dəfə zərbə ABŞ-ın özünə dəyəcək. Bu layihədə ABŞ faktiki olaraq enerji təhlükəsizliyi ilə bağlı aparılan işlərdən kənarda qalacaq. Ağ Ev özünü regiondan kənarda qoyacaq”, - deyə deputat əlavə edib. 

Murad Əhmədov, Bizim.Media
 

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin

RADİO