Bişkekdə keçirilən Şanxay Əməkdaşlıq Təşkilatının (ŞƏT) "plyus" formatındakı iclasında Ermənistanın Baş naziri Nikol Paşinyan MDB ölkələrinin liderləri arasında rus dilində çıxış etməyən yeganə şəxs olub.
Bizim.Media Reuters agentliyinə istinadən xəbər verir ki, o, tədbir iştirakçılarına erməni dilində müraciət edib.
Paşinyan çıxışı zamanı çoxqütblü dünya ilə bağlı baxışlarını bölüşüb və çərşənbə axşamı Rusiya Prezidenti Vladimir Putinlə ikitərəfli münasibətlərin gələcək inkişaf strategiyasını müzakirə etməyi planlaşdırdığını qeyd edib.
Xatırladaq ki, iclasda iştirak edən digər MDB ölkələrinin liderləri — Rusiya, Belarus, Tacikistan, Qırğızıstan, Qazaxıstan, Özbəkistan və Azərbaycan prezidentləri rus dilində çıxış ediblər.
Bu il sədr ölkə qismində ŞƏT sammitinə ev sahibliyi edən Qırğızıstandakı tədbirlərə 17 ölkənin və 6 beynəlxalq təşkilatın nümayəndələri, o cümlədən Rusiya Prezidenti Vladimir Putin, Çin Xalq Respublikasının Sədri Si Szinpin və Hindistanın Baş nazir Narendra Modi qatılıblar.
Bizim.Media
- A-
- A
- A+
Region
17:35 / 01.09.2026
Paşinyan ŞƏT sammitində rus dilində danışmaqdan imtina etdi - VİDEO
Hazırda oxunan: Paşinyan ŞƏT sammitində rus dilində danışmaqdan imtina etdi - VİDEO
Hazırda oxunan: Paşinyan ŞƏT sammitində rus dilində danışmaqdan imtina etdi - VİDEO
634235
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
