Rusiya Dumasının sədr müavini Boris Çernışov İosif Stalinin və SSRİ-nin digər dövlət xadimlərinin məzarları olan Kreml divarının yaxınlığındakı xatirə qəbiristanlığını, həmçinin SSR-nin banisi Vladimir İliç Leninin meyitini Qırmızı Meydandan yığışdırılması üçün çağırış edib.
Bizim.Media “Ria Novosti”yə istinadən xəbər verir ki, onun sözlərinə görə, qəbrlər Qırmızı Meydandan köçürülməlidir.
MÖVZU İLƏ BAĞLI:
Qürbətdə dəfn olunan Azərbaycanın dahi şəxsiyyətləri - ADLAR
“Konkisürmə meydançası və ticarət mərkəzlərinin yerləşdiyi, insanların Yeni ili qeyd etdiyi, gəzdiyi yerdə qəbrstanlıq olmamalıdır. Lenin də oradan mütləq köçürülüb dəfn edilməlidir. Qırmızı Meydan bu məzarlardan azad edilməlidir ".
Xatırladaq ki, Kreml divarının yaxınlığında SSRİ-nin 115-dən çox görkəmli xadimi, o cümlədən azərbaycanlı inqilabçı Nəriman Nərimanov dəfn olunub.
Bizim.Media
