44 gün davam edən müharibədə ölən Levon Galstyanın atası Armen Galstyan Ermənistan Baş naziri Nikol Paşinyanın Yerablur hərbi panteonuna gəlməyinə qarşı çıxıb.
Bizim.Media xəbər verir ki, bu haqda informasiyanı “Sputik Ermənistan” nəşri yayıb.
Mənbə yazır ki, hüquq-mühafizə orqanları Galstyanı Yerablurun ərazisindən uzaqlaşdırıblar.
Armen Galstyan jurnalistlərə bildirib ki, ölənlərin valideynləri Paşinyanın panteonu ziyarət etmək hüququnun olmadığını düşünürlər.
Hökumət başçısının korteji gələn kimi onlar ərazidən çıxarılıb. Digər valideynlər də bu fikri bölüşürlər, amma jurnalistlər onlara yaxınlaşanda çəkməməyi tələb ediblər.
Qeyd edək ki, polis panteonda media nümayəndələrinin yüksək rütbəli şəxslərə yaxınlaşmasına icazə verməyib.
Bizim.Media