Ermənistanın Azərbaycanla sərhəddə yerləşən Kirants kəndinin sakinləri yenidən dövlətlərarası avtomobil yolunu bağlayıblar.
Bizim.Media xəbər verir ki, bununla bağlı görüntüləri Telegram kanalları yayıb.
Mənbə yazır ki, onların tələbləri dünənki kimidir: Azərbaycana heç nə (söhbət Qazaxın Qızılhacılı, Xeyrimli, Aşağı Əskipara, Bağanis Ayrım kəndlərindən gedir) qaytarılmamalıdır.
Yerli sakinlər bazar ertəsi baş nazirin müavini ilə görüşmək tələbini də irəli sürüblər.
Yeri gəlmişkən, həyat bu insanlara heç nə öyrətmir: doğrudanmı onlar başa düşmürlər ki, heç bir yol blokadası, heç bir hərəkət kömək etməyəcək? Rəsmi Bakı buna sərt cavab verəcək.
Ermənilər Azərbaycanın 2020-ci ildəki sərt cavabını xatırlasalar, yaxşı olar.
Bizim.Media
