AzTV-də Gürcüstanın Dmanisi rayonunda azərbaycanlıların digər xalqlarla birgə sülh şəraitində yaşamasını əks etdirən süjet yayımlayıb.
Bildirilib ki, Dmanisidə yaşayan 35 min nəfərin 22 mini azərbaycanlılardır. Milli tərkibinə görə seçilən rayonda azərbaycanlılarla bərabər ermənilər, özbəklər, ruslar və digər millətlərin nümayəndələri yaşayırlar.
Bizim.Media xəbər verir ki, süjetdə erməni qadın Lyuba Avdalyan məşhur “Azərbaycan qızıyam” mahnısını da səsləndirib.
L. Avdalyan bildirib ki, 60 ildir bu ərazidə yaşayır və azərbaycanlılara böyük məhəbbəti var.
“Mən azərbaycalıların yanında böyümüşəm. Atam burada zavodda işləyirdi. Bizim ailəmizə azərbaycanlılar çox gəlirdilər. Babam yetim olub və azərbaycanlıların içində böyüyüb. Mən azərbaycanlıları çox sevirəm”.
Bizim.Media