Şəhid Namiq Məmmədli Bərdədə torpağa tapşırılıb - FOTO 

Cəbhənin Kəlbəcər istiqamətində düşmən təxribatının qarşısını alarkən şəhid olan, Azərbaycan silahlı qüvvələrinin hərbi qulluqçusu, Namiq Ağaməmməd oğlu Məmmədlinin cənazəsi doğulduğu, Bərdə rayon Təhlə kəndinə gətirilib.

Bizim.Media-nın yerli bürosunun məlumatına görə, onunla vida mərasimi keçirildikdən sonra şəhid Namiq Məmmədli doğulduğu kəndin qəbirstanlığında dəfn edilib. Şəhidin dəfn mərasimdə rayon rəsmiləri, şəhidin silahdaşları, doğmaları və yüzlərlə rayon sakini iştirak edir.

Qeyd edək ki, E.Məmmədli Vətən müharibəsi iştirakçısı olub.

Xatırladaq ki, sentyabrın 13-dən başlayaraq Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib.

Elgün Gəncimsoy, Bizim.Media, Qarabağ bürosu