Qusar Rayon Polis Şöbəsinin əməkdaşları narkotik vasitələri əldə etməsi, saxlaması və daşımasında şübhəli bilinən rayon sakinləri Zamir Salmanov və Albert Balakişiyevi saxlayıblar.
Daxili İşlər Nazirliyinin mətbuat xidmətinin Quba regional qrupundan Bizim.Media-ya verilən məlumata görə həmin şəxslərin üzərilərinə baxış keçirilən zaman xeyli miqdarda marixuana və psixotrop maddə olan metamfetamin aşkar olunaraq götürülüb.
Məlumat üçün bildirək ki, Zamir Salmanov rayon ərazisində özünü dindar şəxs kimi təqdim edir.
Faktla bağlı Qusar RPŞ-də hər iki şəxs barəsində cinayət işi başlanılıb.
Bizim.Media
