Paytaxtda arvadının bıçaqlayaraq öldürdüyü ər tanınmış məşqçi olub – FOTO  

Xəbər verdiyimiz kimi, bu gün saat 12 radələrində Bakı şəhər Xətai rayonu ərazisində qadın ərini qətlə yetirib.  

Bizim.Media xəbər verir ki, hadisənin bəzi təfərrüatları bəlli olub. 

35 yaşlı Əfsanə Qalabəyli həyat yoldaşı, 1974-cü il təvəllüdlü Nurani Qalabəylini ailə münaqişəsi səbəbindən qətlə yetirib. 

“Qafqazinfo.az”ın məlumatına görə, N.Qalabəyli kikboksinq üzrə tanınmış məşqçidir. O, “Sərhədçi” idman kompleksində çalışırmış. 

Ailənin 4 övladı var, onlardan 3-ü oğlan, biri isə qızdır. 

Qonşuların bildirdiyinə görə, Ə.Qalabəyli özündən 13 yaş böyük olan həyat yoldaşını çoxsaylı bıçaq zərbələri ilə qətlə yetirib. Hadisə vaxtı N.Qalabəyli qan içində evi tərk etməyə çalışsa da, buna nail ola bilməyib. Qətldən sonra ağır psixoloji durumda olan qadın qışqıraraq ətrafa qaçmağa başlayıb. 
Faktla bağlı Xətai Rayon Prokurorluğunda Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanıb. 

Əfsanə Qalabəyli şübhəli şəxs qismində tutularaq istintaqa cəlb edilib. İş üzrə istintaq davam edir. 

Bizim.Media