\"Məktəb direktorunun haqqı yoxdur forma tələb etsin\" - EMİN ƏMRULLAYEV

“Azərbaycanda məktəblərdə şagirdlərin hər hansı bir forma geyinməsi ilə bağlı tələb yoxdur”. 

Bizim.Media xəbər verir ki, bunu təhsil naziri Emin Əmrullayev “Azərbaycan Respublikasının 2022-2026-cı illərdə sosial-iqtisadi inkişaf Strategiyası” və digər məsələlərlə bağlı keçirdiyi brifinqdə bildirib. 

Nazir bildirib ki, bu, ayrı-ayrı məktəblərin verəcəyi qərardır.  

MÖVZU İLƏ BAĞLI:

“Hədəf məktəqədər təhsilə cəlb edilən uşaqların sayını 50 faizə çatdırmaqdır” – NAZİR  

“Əgər məktəb qərar verirsə, valideyn ona uyğun forma seçə bilər. Ancaq heç kimin səlahiyyəti yoxdur ki, məcbur etsin. Formanın mahiyyəti budur ki, hamı bərabər olsun. Heç kim ev mühitini məktəbə daşımasın, kimsə varlı-kasıb olmasına görə fərqlənməsin.  

Nazirlik yoxlamayacaq ki, niyə şagird forma geyinməyib? Nə də məktəb diektorunun haqqı yoxdur ki, forma tələb etsin. Məktəb qərar verdikdən sonra valideynlərin ona uyğun forma seçməsi məqsəduyğundur”, - deyə nazir əlavə edib. 

Alçina Amilqızı, Bizim.Media