Rumıniyanın paytaxtı Buxarestdə keçirilən U-17 Avropa çempionatında sərbəst güləşçilər daha 4 medal qazanıblar.
Bizim.Media xəbər verir ki, yarışın sonuncu günündə Sadiq Hüseynov (45 kq) finalda gürcüstanlı Nikolos Botçorişviliyə tam üstünlüklə (10:0) qalib gələrək qitə çempionu olub.
Elman Ağayev (51 kq) isə həlledici görüşdə erməni Narek Hakobyanı 6:0 hesabı ilə üstələyərək Avropa çempionatının baş mükafatına yiyələnib.
Finalda türkiyəli Abdullah Topraka (0:4) məğlub olan Ağa Qasımov (60 kq) komandanın hesabına gümüş medal yazdırıb.
Ağanəzər Novruzov isə bürünc medal uğrunda gərgin mübarizə şəraitində keçən qarşılaşmada erməni Razmik Yepremyana minimal fərqlə (6:5) qalib gələrək fəxri kürsünün 3-cü pilləsinə yüksəlib.
Bununla da milli komandanın medallarının sayı 9-a çatıb. Yığmamız Avropa çempionatını 6 qızıl, 1 gümüş və 2 bürünc medalla başa vurub.
Bizim.Media
- A-
- A
- A+
İdman
02:39 / 20.06.2022
Sərbəst güləşçilərimiz Avropa çempionatını 9 medalla başa vurdular - FOTO
Hazırda oxunan: Sərbəst güləşçilərimiz Avropa çempionatını 9 medalla başa vurdular - FOTO
Hazırda oxunan: Sərbəst güləşçilərimiz Avropa çempionatını 9 medalla başa vurdular - FOTO
79987
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
