Xəbər verdiyimiz kimi, may ayının 16-da İran sərhədçiləri sərhədi pozmaq istəyən Azərbaycan vətəndaşı Mircavad Mircəlal oğlu Musayevi güllələyərək öldürüb. Mayın 18-də onun cənazəsi prokurorluq orqanlarının nümayəndəsinin iştirakı ilə rəsmi qaydada qəbul edilərək ailə üzvlərinə təhvil verilib.
Mircavad Musayev bu gün Şabran şəhər qəbristanlığında dəfn edilib.
Bizim.Media-nın mərhumun yaxınlarından əldə etdiyi məlumata görə, 22 yaşı fevral ayında tamam olan Mircavad ailədəki 3 uşaqdan ikincisidir.
MÖVZU İLƏ BAĞLI:
İran sərhədçiləri Azərbaycan vətəndaşını güllələyərək öldürdü
Atası pensiyaçı olan gənc hərbi xidmətdə də olub. Təxminən 5 aydır ki, onun Bakıya, iş dalınca getdiyi bildirilir.
Qeyd edək ki, hadisə ilə bağlı məlumatı Dövlət Sərhəd Xidmətinin (DSX) Mətbuat Mərkəzi yayıb.
Aytəkin Alxaslı, Bizim.Media
