Xəbər verdiyimiz kimi, ötən gecə Səbail rayonu ərazisində yerləşən obyektdə baş vermiş partlayış zamanı ümumilikdə 31 nəfər müxtəlif dərəcəli xəsarət alıb, 1 nəfər vəfat edib.
Bizim.Media-nın əldə etdiyi informasiyaya görə, yaralılardan 7-si hazırda Respublika Yanıq Mərkəzinin 5 nömrəli xəstəxanasında müalicə alır.
Onlardan 2-nin qadın olduğu deyilir.
5 nömrəli xəstəxanada müalicə alan şəxslərdən biri artıq evə buraxılıb.
Qalan yaralılar Sabunçu 3 saylı Şəhər Klinik Xəstəxanasına yerləşdirilib.
Foto: Rəşad Orucoğlu, Bizim.Media
