“Ukraynada baş verən hadisələr dəhşətdir. Ruslar lap ağ eləyiblər. Bunları bir dayandıran olmalıdır, ya yox?”
Bu fikirləri Bizim Media-ya özəl açıqlamasında Azərbaycanın Xalq artisti Rasim Balayev deyib.
Rasim Balayev müharibəni pisləyərək, qaniçənləri şiddətlə qınayıb.
“Yer üzündə baş verən bütün müharibələri, günahsız insanların qanının axıdılmasına bir insan olaraq etiraz edirəm.
Müharibələr fəlakətdən başqa bir şey gətirmir. Rusiya Ukraynanı yer üzündən silmək istəyir. Təbii ki, mən sadə rus xalqını nəzərdə tutmuram. Rus xalqı əslində yazıq və bədbəxtdir. O qədər varı, dövləti olan sadə ruslar acından ölürlər. Zamanında Hitleri lənətləyənlərin indi törətdiyi əmələ baxın. Nəzərə alsaq ki, Rusiya və Ukrayna qardaş xalqlar olublar. Hər halda slavyan köklü xalqlardır. Amma Ukraynaya qarşı müharibəni, bu dəhşəti qınayıram” - deyə, Rasim Balayev vətəndaş mövqeyini bildirib.
Bizim.Media
