Qubada damı uçan məktəb bərpa ediləcək - FOTO

İlsonu Qubanın güclü külək nəticəsində damının bir hissəsi uçmuş Güləzi kənd ümumi orta məktəbi tezliklə bərpa ediləcək.

Quba rayon təhsil şöbəsinin müdiri Rüfət Hacıyev Bizim.Media-ya bu barədə məlumatı verib.

Onun sözlərinə görə, məktəbdə dərslər indi birinci mərtəbədə keçirilir:

“Güclü küləyin törətdiyi fəsad barədə Təhsil Nazirliyi dərhal məlumatlandırılıb. Nazirliyin nümayəndəsi kənddə olub və tezliklə damın bərpasına başlanılacağını deyib”.

Qeyd edək ki, 220 yerlik məktəbdə indi 55 nəfər şagird təhsil alır. Güləzi kəndi rayon mərkəzindən 35 km aralıda-dağlıq ərazidə yerləşir.

Aytəkin Alxaslı, Bizim.Media