“OBA” marketlər şəbəkəsində özbaşınalıq hökm sürdüyü iddia olunur. Belə ki, marketlər şəbəkəsinin “İnşaatçılar” metrostansiyası yaxınlığında yerləşən filialında bir həftədən çoxdur ki, müştərilərə alış-veriş zamanı qəbz verilmir. Alıcılar qəbzi tələb edəndə isə market işçiləri min cür bəhanələr gətirir. Sözügedən marketdə qəbzin verilməməsi ƏDV-nin mənimsədilməsi kimi dəyərləndirilib.
Bizim.Media-ya müraciət edən müştərilər belə deyir.
MÖVZU İLƏ BAĞLI:
Qida cinayəti - Ərzaq məhsullarının “KARUSEL ƏMƏLİYYATI”
Onların sözlərinə görə bu azmış kimi “OBA” marketlər şəbəkəsinin özünə məxsus paketləri ya "aptek"lərdən, ya da "Al market"dən alınır.
Məsələ ilə bağlı Bizim.Media-ya "OBA” marketlər şəbəkəsindən problemin artıq həll olunduğu bildirilib:
“Yasamal 20” marketimizdə logistika gecikməsi səbəbi ilə çek problemi yaranıb. Məsələyə müdaxilə edilərək qeydə alınmış problem artıq aradan qaldırılıb”, - deyə market rəsmisi əlavə edib.
Qeyd edək ki, "OBA" marketlər şəbəkəsi müştərilərə xidmətdə tənqid edilən ticarət mərkəzlərindəndir.
Alçina Amilqızı, Bizim.Media
