İspaniya "Barselona"sından ayrılan ulduz futbolçu Lionel Messi son bir neçə saat ərzində Fransanın PSJ klubu ilə danışıqlar aparır.
Bizim.Media xəbər verir ki, bu barədə jurnalist Məhəmməd Buhafsi tvitter hesabında bildirib.
Paris təmsilçisi 34 yaşlı hücumçu ilə müqavilə imzalamağı ciddi şəkildə düşünür və bunun həllini tapmağa çalışır.
Qeyd edək ki, Messi 2003-cü ildən "Barselona"da çıxış edirdi. O, bu komandanın heyətində 10 dəfə İspaniya çempionu olub, yeddi dəfə ölkə kubokunu, səkkiz dəfə isə superkuboku qazanıb.
Dörd dəfə Çempionlar Liqasının qalibi olan təcrübəli hücumçu üç dəfə UEFA Super Kubokunda və klublararası dünya çempionatında qələbə sevinci yaşayıb.
Messi ötən mövsüm İspaniya La Liqasında 35 matçda iştirak edərək, 30 qol vurub və 11 məhsuldar ötürmə edib. Onun hesabında Çempionlar Liqasının 6 oyununda 5 qol və 2 məhsuldar ötürmə var.
Bizim.Media
- A-
- A
- A+
İdman
09:02 / 06.08.2021
Messi klubsuz qaldı - PSJ ilə danışıqlar aparır?
Hazırda oxunan: Messi klubsuz qaldı - PSJ ilə danışıqlar aparır?
Hazırda oxunan: Messi klubsuz qaldı - PSJ ilə danışıqlar aparır?
31391
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
