Xəbər verdiyimiz kimi, bu gün Azərbaycanın Milli Qəhrəmanı Hökumə Əliyevanın doğum günüdür. Qeyd edək ki, o, Aktau şəhərində qəzəya uğrayan AZAL-a məxsus təyyarədə stüardessa kimi fəaliyyət göstərirdi, yaşasaydı bu gün 34-cü doğum gününü qeyd edəcəkdi.
MÖVZU İLƏ BAĞLI
Milli Qəhrəman Hökumə Əliyevanın DOĞUM GÜNÜDÜR
Bizim.Media "Modern.az"a istinadən xəbər verir ki, Hökumə Əliyevanın atası Cəlil Alıyev bu gün Hökuməyə həsr olunan xüsusi guşənin də açılışı olduğunu bildirib:
“Evinin 2 otağını Hökuməyə həsr olunan guşəyə çevirmişik. Onun bütün əşyaları, bütün şəkillərini - uşaqlıqdan indiyədək – həmin guşədə yerləşdirmişik.
Samux rayonun Aluşağı kəndində yerləşir, kim istəyirsə gəlib ziyarət edə bilər”.
Cəlil Alıyev Hökumənin ona aldığı xüsusi əşya haqqında da danışıb:
“Onun bütün əşyaları mənim üçün dəyərlidir. Hər əşyası əzizidir, onu xatırladır. Təzyiqim olduğu üçün xüsusi daşlardan düzəldilən sep almışdı ki, həmişə taxım. O hədiyyəni ömür boyu saxlayacağam”.
“Bu gün mənim də ad günümdür, 60 yaşımı qızım olmadan tamamladım.
Sonuncu dəfə iki il əvvəl Bakıda birlikdə ad günümüzü qeyd etmişdik. O, təmtəraq sevən qız deyildi, öz işi ilə məşğul olurdu, işinə gedib-gəlirdi. Təsadüfü xüsusi günlərdə gəzintilərə çıxardıq”- deyə C. Alıyev bildirib.
Bizim.Media
