Bizim.Media xəbər verir ki, bu barədə “Ria Novosti” məlumat verib. Məlumata görə, hər iki ölkə arasında həm müntəzəm, həm də çarter reysləri bərpa olunub.
MÖVZU İLƏ BAĞLI:
Azərbaycanda GÖBƏLƏK TURİZMİ - Regional aeroportlar niyə işləmir?
Bu şad xəbər Rusiyadan Türkiyəyə tətilə yollanmaq istəyən 1 milyon turisti sevindirib. Turizm agentliyindən qeyd olunub ki, Türkiyə ruslar üçün ən sərfəli tətil məkanı olduğu üçün, böyük axın gözlənilir.
Artıq Türkiyədəki otellər təhlükəsizlik qaydalarına ən yüksək səviyyədə əməl edir. Bunun üçün otel işçilərinin artıq 60-90% -i vaksinasiya olunub.
Otellərdə mütəmadi laboratoriya sanitariya nəzarəti həyata keçirilir, maska rejiminə ciddi əməl olunur. Bundan başqa hava limanında və böyük otellərdə hər giriş zamanı temperatur yoxlanılır.
Qeyd edək ki, Rusiya pandemiya səbəbilə aprelin 15-dən Türkiyəyə uçuşları dayandırmışdı.
Vüsalə Balayeva, Bizim.Media
