Tovuzda ruhi xəstənin xəsarət yetirdiyi anası və bacısının vəziyyəti haqqında rəsmi açıqlama verilib.
Bizim.Media-nın yerli bürosunun məlumatına görə 06.06.2025-ci il tarixində saat
15:45 radələrində 1 nəfər (qadın cinsli) Tovuz Rayon Mərkəzi Xəstəxanasının Təcili yardım şöbəsinə hospitalizasiya olunub.
“Ağır açıq kəllə-beyin travması, beyin boşluğunun mayesinin axması, travmatik şok diaqnozu təyin olunan şəxsə zəruri tibbi xidmət göstərilib. Xəstənin müalicəsi Reanimasiya şöbəsində davam etdirilir.
Hazırda vəziyyəti ağır olaraq qiymətləndirilir", - deyə məlumatda bildirilir.
Vəziyyəti ağır olan 1 nəfərin isə (qadın cinsli) xəstəxanaya daxil olan kimi ölüm faktı qeydə alınıb.
Qeyd edək ki, Tovuz şəhərində ruhi-əsəb xəstəsi, 31 yaşlı Kainat Namazov bacısı 25 yaşlı A. Namazovaya və anası 55 yaşlı Sevinc Həsənovaya müxtəlif dərəcəli bədən xəsarətləri yetirib və daha sonra yaşadıqları evi yandırıb.
Xəstəxanaya yerləşdirilən S.Həsənova xəstəxanada ölüb.
Məqsəd Rəhimov, Bizim.Media, Qərb bürosu
