“Minalı əraziləri həbsdəki erməni hərbçilərinə təmizlətdirmək lazımdır”

“Jurnalistlərin və digər mülki şəxslərin minaya düşərək həlak olması hamımızı məyus edir. Müharibədə məğlub olmuş tərəfin özünü bu şəkildə həyasızlıqla aparması dünyada nadir hadisələrdəndir”.

Bizim.Media-nın məlumatına görə, bunu professor Qulu Məhərrəmli özünün sosial şəbəkə hesabında  yazıb.

Bildirib ki, minalanmış ərazilərin xəritəsinin verilməməsində Ermənistan hərbçilərinə təsir imkanı olan Rusiya da riyakar mövqe tutur:

"Moskva bu məsələdən Azərbaycana qarşı təzyiq kimi istifadə etməyə çalışır. Azərbaycan bununla bağlı beynəlxalq təşkilatlara müraciət etməli, xəritənin verilməyəcəyi təqdirdə əks-tədbirlər görməli, o cümlədən xüsusi minalama taktikasından bəhrələnməlidir. Həmçinin beynəlxalq təcrübəyə uyğun olaraq minalı ərazilərin təmizlənməsində həbsdəki erməni hərbçilərindən istifadə etməlidir! Azərbaycanın dinc vətəndaşlarına qarşı mina terroruna son qoyulmalıdır!".

Bizim.Media