Ukraynanın baş kəşfiyyatçısı: Rusiya tezliklə hücuma keçəcək

Ukrayna Rusiyanın yazın sonunda - yayın əvvəlində, ilk növbədə, Donetsk yaxınlığında hücum hərəkətlərini gücləndirəcəyini gözləyir. 

Bizim.Media xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin (BKİ) rəhbəri Kirill Budanov Almaniyanın ARD telekanalına müsahibəsində bildirib.

“Onlar (Rusiya Silahlı Qüvvələri - red.) Çasovoye Yar istiqamətində bir az irəliləyəcəklər. Onlar Pokrovsk şəhərinin strateji istiqaməti olan Pokrovsk istiqamətində hərəkət edəcəklər”, - Budanov qeyd edib.

Eyni zamanda, Ukrayna xüsusi xidmətinin rəhbəri hesab edir ki, Rusiyanın gözlənilən hücumu başlamazdan əvvəl cəbhədə ciddi dəyişikliklər olmayacaq: “Vəziyyət kifayət qədər mürəkkəbdir, lakin nəzarət altındadır”.

Hərbi ekspertlərdən fərqli olaraq, Kirill Budanov Ukraynanın bu il hücumunu istisna etməyib. Lakin o, bu sahəyə görə məsuliyyətin Ukrayna Silahlı Qüvvələrinin Baş Qərargahının üzərinə düşdüyünü əsas gətirərək, bu mövzu haqqında ətraflı danışmayıb.

Budanovun sözlərinə görə, Ukrayna indi “əlavə həcmdə artilleriya sistemlərinə, əlavə həcmdə sursata” ehtiyac duyur.

Avropa ölkələrinin Çexiyanın təşəbbüsü ilə üçüncü ölkələrdən Ukrayna Silahlı Qüvvələri üçün 800 min artilleriya sursatının birgə alınmasına münasibət bildirən Baş Kəşfiyyat İdarəsinin rəisi onların cəbhədə mövcudluğunu hələ də hiss etmədiyini bildirib. 

Bizim.Media