Moskvanın Admiral Uşakov bulvarında yerləşən ticarət mərkəzində, "Perekrestok" ərzaq mağazasında partlayış baş verib. Xilasedicilər dərhal əraziyə çağırılıb.
Bizim.Media xəbər verir ki, bu barədə informasiyanı "360" nəşri yayıb.
Mənbə yazır ki. təcili xidmətə zəng saat 13:00 radələrində daxil olub. Bəlli olub ki, ticarət mərkəzinin fasadı yanıb.
Hadisə şahidləri əvvəlcə yan tərəfdəki girişdən gurultu eşidiblər, sonra qara tüstü görüblər.
Rusiya Fövqəladə Hallar Nazirliyinin Moskva üzrə Baş İdarəsi yanğın faktını təsdiqləyib. Saat 13:07-də yanğın söndürülüb. Yanğınsöndürmə və xilasetmə dəstələri gələnə qədər insanlar binanı tərk edib, xəsarət alan olmayıb.
Bizim.Media
